Ali都忍唔住揸！重温高海宁性感之路「象鼻顶胸」超经典

性感女神高海宁(高Ling)早前扬言会收起性感，希望大家可以欣赏佢喺其他方面的努力，令唔少男士大感失望！高Ling身材劲就係人都知，就连《BB来了》中李佳芯(Ali)都情不自禁要双手摸摸！依家一齐重温一下高Ling多年来性感之路～

《BB来了》中的调酒师

无綫剧《BB来了》广受观众欢迎，剧情温馨又贴地，除了主角李佳芯(Ali)最抢镜外，高海宁喺剧中一头短髮造型，演一位多作中性型格打扮的调酒师，其实都同样吸睛呢！

《BB来了》Ali帮高海宁拣衫

昨晚《BB来了》讲到高Ling要见男友黄长兴屋企人，但自己平时都係多作中性打扮，所以搵前时装买手Ali陪佢拣套靓衫！

Ali傻眼了

剧中Ali为高Ling中学师姐，所以高Ling都话其实大家唔使怕丑，读书时喺更衣室咩都见过晒啦！不过唔知点解Ali反应极大……

Ali都忍唔住揸…

之后镜头一转，见到Ali对眼，好似欣赏紧一啲咩美丽新事物咁，之后双手慢慢移向高Ling心口……

情不自禁

仲以为高Ling会好大反应啦，点知佢竟然笑笑口好冷静咁问Ali：「你做咩呀？」原来Ali惊觉高Ling的身材比读书时期丰满咗劲多，情不自禁要摸摸！

女校学生锺意喺更衣室玩…

高Ling就笑说谂起中学时代，一班女学生最锺意喺更衣室玩… 玩咩呢？

高Ling笑称Ali做咗妈妈都仲係咁唔规矩，但Ali就话高Ling身材咁好，係人见到都会唔规矩啦～

高海宁十年前选港姐

南京姑娘高海宁今年31岁，喺十年前参选2008年港姐竞选，由于身材实在太突出，高Ling入围不久已经备受关注，并被外间视为大热。最后高Ling三甲不入 (三甲为张舒雅、陈倩扬及马赛)，不过随即成为无綫旗下艺人，踏入娱乐圈。

「象鼻顶胸」超经典

既然身材係最大卖点，高海宁当然唔会吝啬，次次见人都谷到尽，2009年时高Ling去泰国拍摄《美女厨房》特别版，着住低胸吊带背心的高Ling被象鼻夹起，汹涌上围即「夺衫而出」，非常夸张，堪称经典！

与「咪神」、「性感女神」划上等号

高海宁出道后几乎与「咪神」、「性感女神」划上等号，无论出席活动、拍戏拍剧集还是综艺节目都定必性感示人，大家亦清一色将焦点集中在其身材上。

高海宁：封胸有得有失

高海宁近年开始渐渐收起性感，佢希望大家唔好过份注重係佢身材上面而忽略佢演出嘅努力，虽然「封胸」导致佢少咗工作机会，但係佢就话唔介意有一段时间可能会失去一啲job或者角色，因为唔跨过，永远都唔会有进一步嘅路、行得再远啲。

虽然高海宁唔係话包到实晒，久唔久都轻轻晒身材，不过相比以前已经保守咗好多啦！

圈中出名孝顺女

高海宁工作向来不锡身，毫不吝啬大晒丰满身材，难免令人有啲负面印象，但其实佢係圈中出名的孝顺女、好家姐！高Ling永远把家人放在首位，每逢大时大节都一定将时间留畀家人，聚埋一齐食饭，更不时于网上分享家庭照，非常孝顺！

高Ling在娱乐圈打滚多年，一直愿望储够钱买楼同家人同住，佢2015年时买入油塘一个新盘单位，去年终于由买家变业主，正式收楼，难怪与家人一起兴奋晒V！

外婆是一生中最爱

高Ling时常惦念远在南京的婆婆，就算要拍剧的时候都会趁空档跟婆婆视像通话。放假时，更加会飞返去南京探婆婆，仲话见到婆婆的笑容就乜都值得！每次一谈起外婆，高ling总显得特别感性：「你陪我长大我陪你到老」，亦祝福婆婆健健康康，可以继续陪着佢，这份跨越两地的婆孙情实在教人感动。

延伸阅读：

孖辫正妹彩虹被捕获 网民质疑唔係港人兼报细数…

点止要敲门？ 10项不可触犯的酒店禁忌